Welcomes to Colours Care Charity Trust

രണ്ടായിരത്തിപ്പതിനാല് ജൂണ്‍ മാസം പതിനാറിന് സൗഹൃദസല്ലാപം മാത്രം ലക്‌ഷ്യം വച്ച് തുടങ്ങിയ മുഖപ്പുസ്തകക്കൂട്ടായ്മ ആയിരുന്ന കളേഴ്സ് .. പിന്നീട് ദൈവനിയോഗം പോലെ സാമൂഹ്യസേവന രംഗത്തേക്ക് ചുവടു വച്ചു കളേഴ്സ് കെയർ ചാരിറ്റി ട്രസ്റ്റ്‌ (Colours care charity Trust) ആയി വളർന്നതിനു പിന്നിൽ ഒരുപാടു പേരുടെ പ്രാർത്ഥനയും സ്‌നേഹവും സഹകരണവും ഉണ്ട്.
ഞങ്ങളുടെ തന്നെ സുഹൃത്തുക്കളില്‍ സേവനതല്പരരായവരെ ഒപ്പംചേര്‍ത്ത് നടന്നു തുടങ്ങിയ ഞങ്ങള്‍ ഇന്ന് ഒൻപതിലധികം വര്‍ഷങ്ങള്‍ പിന്നിടുമ്പോള്‍ ഓര്‍ത്തെടുക്കാന്‍ ഒരുപാട് നല്ല നിമിഷങ്ങള്‍ ഹൃദയത്തില്‍ ഏറ്റുവാങ്ങിയവരാണ് .

കളേഴ്സ് കെയർ ചാരിറ്റി ട്രസ്റ്റ് (Colours care charity Trust) കാരുണ്യപ്രവര്‍ത്തനം മാത്രം ലക്ഷ്യം വയ്ക്കുന്ന ഒരു കൂട്ടായ്മയാണ്. സമൂഹത്തില്‍ ഒരുനേരത്തെ ആഹാരത്തിന് ബുദ്ധിമുട്ടുന്ന, അസുഖം വന്ന് ചികിത്സക്കായി പണമില്ലാതെ ദുരിതമനുഭവിക്കുന്ന, അനേകമാളുകള്‍ ഇന്നുണ്ട് അവരെ പൂര്‍ണമായി ഏറ്റെടുക്കാനോ സംരക്ഷിക്കാനോ നമുക്ക് കഴിയില്ല . എന്നാലും കാരുണ്യത്തിന്റെ ഒരു ചെറിയ നാളം തെളിയിക്കാന്‍ നമുക്ക് കഴിയും . നമ്മള്‍ ആരും എല്ലാം തികഞ്ഞവരല്ല , എന്നിരുന്നാലും നാം സ്വരുക്കൂട്ടിയ നാണയതുട്ടുകളില്‍ നിന്നും ഒന്നെങ്കിലും നമുക്ക് അവര്‍ക്കായി നല്‍കാന്‍ കഴിയും . അതിനായി നമുക്കൊന്നിക്കാം ..
We Are One

Read more